ℓσłliρσρ g!rℓ

الــَسّلـآمٌـ علْيُكمُ ورّحمَـةِ اللهِ وبَركآتَهـُ

أخباركم ؟! يا عساكم دوم بخير

 توحشتكم برشا 

 بهذي التدوينة رح أتكلم عن سفرتي الرمضانية 

و هي عبارة عن 

" شُربة شوكولاته بالفراولة , باشاميل باللولي بوب , سمبوسة بالجلي "

.




.

.

لا تصدقون عاد هههههههه , دعابة دعابة 

الصدق الصدق بكلمكم عن سفرتي لـ صلالة + الإمارات ..

أول شي " صلالة " .. سافرنا عن طريق السيارة

و الطريق طويل يعني خذوا مفرّحات + مخدات + سيارة تتحمل الكرف و فيها سوبر مكيف
و فيه ذاك الطريق اللي من نزوى لصلالة يجيب الفطسه انصحكم لا تروحون له وقت الشمس
كان مفروض يسمونه طريق أبو لهب أو طريق الجحيم 

 

و صلالة تشبه أجواء أبها لكن الفرق صلالة فيها جبال خضراء خضار يفقع العين بعكس أبها المقرعه صلالة فيها ضباب و رذاذ , أبها مو مره ,
 الشقة بصلالة بـ 300 ر.س و أبها تلاقي شقة بنفس المستوى بـ 700 ر.س  

من المشاكل اللي واجهتنا/ الإختلاف بالعملة 
عندهم شي أسمه بيسه ههههه

لا جد يعني مثلاً هناك 1ر.ع يعني 10 ر.س و هكذا فرق بصفر
و يوم رحت السوبر ماركت عندهم الأسعار بفواصل لحست مخي
و البنزين نار يا حبيبي نار
كان ودي نشقل جوالين بنزين من الديار هههههههههه 

و الأكل مافيه أكل يتآكل خذوا معكم بهارات و كاتشب و باربكيو 

ما عندهم من المطاعم المعروفة إلا كنتاكي و بيتزا هت و بس

أماكن السياحة حاطينها ع لوحات بالشارع عشان تعرف مكانها 

و أهلها طيّوبين و مسالمين و هادين و مهذبين و بسطاء 

هذا اللي لاحظته كَ سائحة 

صح السفر العشوائي يعتبر مغامرة 

لكن يكون أفضل لو خططتوا  من قبل خصوصاً لو كانت سفر عائلة مو أصدقاء
و اختاروا اللي بتسافرون معاهم مو مهم المكان بقدر ما هو مهم مين اللي كان معك 
لأن بالسفر تكونون قريبين لبعض أكثر ف تظهر شخصية كل واحد على حقيقته 

و السفر حتى إن كان متعب إلاّ أنه تغيير جو بالنهاية  .. 

أترككم مع الصور :

نخيل جوز الهند

...

 منطقة "مغسيل" اللي فيها النوافير المتفجره  :

هذا من ظواهر التعرية كأنه " وحش " :P 

                                                                        
                                                                               
                                                                                 ...  

...





"عين صحلنوت" .. الأسم كأنه تعويذة فرعونية 
 بس كل أسامي مناطقهم بهذي الغرابة تقريباً  ..

...


" عين رزات "

      تقف الأشجار بجذعها النحيل و كأنها عارضات أزياء  ..

...

" الجبل الأخضر "

 

 

 

شفتوا اللي بالأبيض و الأسود هذي

 مستعمرة النمل اللي ف حياة حشرة  ..

 

فطر بس شكله مسمم 

 

حلزون .. الصورة الأولى وجهه و قرونه و الثانية قفاه (صدفته)

...

                                                           " بئر العصافير "

                                                    ما لقينا فذا البئر إلا ذا السحلية اللي ذيلها رايحه بويته

                                                  , قلك ايش قال بئر عصافير ما غير نسمع صوتها ولا شفناها

                                                   لأن المكان مره عميق فَ يبيله تلفريك 

                                                      و بكذا أكون أنتهيت من " صلالة "

                                           أحس أن الصور قلبت مشروع علوم بس يلآ سلّكوا  

                                          و بالتدوينة الجآية رح أحط لكم صور للـ إمارات إن شاء الله..

                                                                 

                                                                 فوتكم بعآفية يا الأجاويد ..