الجمعة، أبريل 22، 2011

"وآجب تدوينيـے" قدييمكـ ندييئمك



السسسلآم عليكم ورحمة الله وبركاته يَ قوم 
انا جيت انا جيت انا جيت بآآأإأآآاااكو 
ـآخبآآآآآآآركم ـآن ششاء الله عآل العآل بووم البوووم
 وووحشششتتووني مررره مرره بالزاااف بالزاااف هلبا هلبا  برشا برشا وااجد وااجد كتيييير كثييير
اكييييد أنكم  تحلمون فيني و ما هنالكم نوم  وحياتكم بدوني مالها طعم عشان الحلى كلله عندي 
 ههههههه



المؤهييم جبت لكم وآآجب << من اولها الغثااأ خبط لزق
يقولون الغايب يجيب غنايم مدري جاب الغنايم هذاك المثل
الموؤهييم 

عنوان الووآإجب قدييمكـ ندييئمك 
يعني المعنى مو الجنادرية ولا كريم ابو وردة ولا ديرم لا لآ لأ ياحلويين
الموضوع وبكل بساطة تحطون افضل كراتين كنتوا تشوفونها وانتو صغنونيين بسمة وعبدو وطقتهم واذا فيه اقدم عاتي نوبربليمو واذا فيه بعد اجدد الله يحييهم 

طبعاً انا بأفتتح المعرض و بكب اللي ب جعبتي 
نقول بسم الله

1/ هايدي 

 
يا أني كنت اعشششق ذا الكرتون مدري وش القصة المشكلة اغنيته مخيسه حكاية بنت اسمها هايدي حكاية بنت اسمها هايدي عاشت حياتها بالحب والخير يؤ خشيت جو هههههه
وماعندها الا بيتر بيتر يا ذا البيتر يرحم مسكين لو اني بيتر كان دورت اقرب تلة ورميت نفسي وخلصنا
وش اللي يحببني فيها ما ادري ايييه بس عرفت شكل عشانها تقعد عالغيوم مدري تتمرجح بالغيوم كان ودي اسوي زيها وارد ..

2/ مدينة النخيل 


بلوط وعلقم اللي إلا غصب  يصيرون اشرار بس مايعرفون 


3/ جورجي 


اوووه هذا خطنطيييييييرشي حماآسي كنه فلم مو كرتون


4/ حكايات عالمية - قصص الشعوب


 جميييييل

5/ مـــاروكــــو الصغيرة 



يوووه سقا الله ذيك الأيام 
 اذكر اني من كثثثثر حبي لها قلت خلاص إذا جبت بنت بسميها ماروكو يعني ماروكو مالي شغل
بس بعدين اكتشفت ان ماروكو بالعنقليزي يعني المغرب وشطبته من القائمة خسساأره خخخخ

6/ نــيــنــجـــا - كبــمـــارو 


هذااا الكرتون يشق البطن من قووووة الضحك فيه كمية فصل مخ موو طبيعية  كبمارو ذا انسان تووحفة يااااكل ياااااكل بس ما يسمن من ذا التنطيط قصدي القفزعلى ذا الأشجار, كرتون ممتع الصراحة اهني المؤلف 


7/ صــاحب الظل الـطويــل - جودي آبوت 



بنوته شخصيتها عسسل بسيطة داايم تتصرف على طبيعتها وبعفوية طييووبه 
انا يقهرني الرسام ودي  اخليه كرتون عشان يحس إذا جت تنام يخلي شعرها مرتب هابط وش حلاته وإذا قامت تنط ذا القنازع مدري وشلوون حتى وهي كبيره قنازع  هل هو يعني ب زمانهم كان فيه سبراي مثلاً؟؟!! الله اعلم ويبقى التساؤل إلى يومنا هذا
بسسس هذي ان شاء الله إذا الله احيانا حياة طيبة وجتني بنت بسميها جودي ما علي من ابوها بشرط بعقد الزواج ان اول ابنة لي يصير اسمها جودي خخخخخ .

توته توته خلصت الحدتوته 
اوجه هذا الواجب لكل المتابعين ولكل اللي يبي يحله واذكروا أنه موجه مني شخصياً 
 ايه صح  في ناسات جديدين شرفوا مدونتي وصاروا من متابعيني لبى انتوا الله يحييكم وانا سعيده جداً بإنضمامكم لمدونتي اتمنى اني اكون عند حسن ظنكم 

بحفظ الرحمن ورعايته 

ملاحظة : لغير الناطقين باللهجة السعودية والذين لم يفهموا كلمة ما الرجاء اخباري لأترجمها  للذين لم يعرفوا ماهي الطبخة اخبروني وسأعطيكم المقادير شاكرين لكم حسن تعاونكم متمنين لكم رحلة طيبة في ربوع مدونتي المصونة

 
Template designed By Hannunie | all rights reserved