الخميس، سبتمبر 09، 2010

عيدك مبارك) كيف أنا ماعايدك ياللي غـلاك أشقانـي


 

عيدك مبارك) ياأجمل من سكن وجداني

كل عام ٍ وانت أغلى من يمـر طاريّـه
كيف أنا ماعايدك ياللي غـلاك أشقانـي
كيف أبنسى؟ وانت يوميا ً تجيبه فيّـه!!
أشهد إن العيد هذا غيييير وطعمه ثانـي
يوم اشوفك فيه راجع لي مصفي النيّـه
إنت تامرني ياعمري/ كيـف تترجانـي؟
بس أشّر لـي وأجيلـك كلـي برجليّـه
في غيابك زاد عشقي.. وكثروا خلانـي
والله العالم لو أحسب وصّلـوا للميّـه!
كنت أبهرب من شماتة ربعي وعدوانـي
يوم تتركنـي لحالـي أصطفـق بإيديّـه
لكن الحين انت في قلبي هنـا وحدانـي
وكل هالميّه فـوجودك حاجة ٍ منسيّـه
ياغناتي.. ياربيـع القلـب.. ياتحنانـي
اضحك وخـل الحيـاه ألوانهـا ورديّـه
لابغيت أعزف وأغني بك تطيب ألحانـي
والقصايد في وصوفك تنكتـب عفويّـه
والله إني يوم شفتك أورقـت أغصانـي
وأزهرت في صبح عيدي (ورده سعوديّه)
لارجع خلي لحضني وصـار يترجانـي
مانظرته - مثل غيري - نظرة ٍ دونيّـه
الكبر لله ياقلبي وغيـر وجهـه فانـي
والمحبه رغم بعدك هيّه زي مـا هيّـه
(عيدك مبارك).. لغيرك مانطقها لساني
كيف أبنطقها وغيـرك مايمـر طاريّـه

11 التعليقات:

oumi يقول...

السلام عليكم ورحمة الله اختي

كييفك؟؟ ان شاء الله تاما التمام..

احببـ أهنيك و اقولـ لك ...ع ــيد مبارك سعيد..تتهني فيه ان شاء الله...وتقبلـ الله صالح الاعمالـ والــطاعاأتـ،..


تقبلي مودتي :اميمة~

Engineer A يقول...

تقبل الله طاعتج .. وعيدج مبارك

ℓσłliρσρ g!rℓ يقول...

وعليكم السلام ورحمة الله اميمة الحمدلله انا تمامو

الله يتقبل ان شاء الله منا ومنكم صالح الأعمال
العيد مبارك علينا وعليكم وعسى ايامنا كلها افراح

مع خالص تقديري واحترامي :)

عزتي في سمو ذاتي يقول...

السلام وعليكم ورحمة الله وبركاته
كيفك يالغلا ان شاء الله بخير
احب اهنيك بالعيد
وتقبل الله منا ومنكم صالح الاعمال
وكل عام وانتي بالف بخير
تقبلي مروري

ℓσłliρσρ g!rℓ يقول...

وعليكم السلام ورحمة الله وبركاته
الحمدلله تمامو
منا ومنكم صالح الأعمال
كل عام وانتي بمليون صحة وسلامة
تشرفيني بأي وقت بس ماتعرفنا مين انتي؟؟!!

صفحات مُلطخّة بحروفي يقول...

كل عام وأنتي بخير ..
وعيدج مباركْ ..

عزتي في سمو ذاتي يقول...

أنا خالتو أم صالح
ياقلبووو

ℓσłliρσρ g!rℓ يقول...

صفحات ملطخة بحروفي :

وانتي بخير وصحة وسلامة
وعيدج سعيــــــد :)

ℓσłliρσρ g!rℓ يقول...

خــــالــتــــو لبى انتي نورت المدونة بوجودس لاتحرمينا من هالطلة الحلوة

اشوفس على خييير

^_^

мίşş. Memo● يقول...

كل عام وأنتي تسعدينا بوجودك معنا
وكل عام وهالأنامل ماتكتب لنا الإبداع

..........خالص ودي

ميمو =) !

ℓσłliρσρ g!rℓ يقول...

كل عام وانتي رفيقة دربي وكل عام وايامك كلها سعادة وهنا

فديتك ....
اشوفك ع خيــــر حياتوو

إرسال تعليق

بسم الله الرحمن الرحيم..}

كم يسعدني ويبهجني
تذوقكم للحلوى وتلذذكم بطعمها
ارحب بوصفاتكم والمزيد من المقادير ^^

 
Template designed By Hannunie | all rights reserved