الخميس، مايو 27، 2010


ياصاحبي الدنيا حكايات وعلوم.. قصص عجيبة تذهل اللي قراها..
الدنيا لو تضحك معك دايم الدوم.. خلك فطين ولايهمك رضاها..
كم واحد تبنى له أمال وحلوم.. يفني وغيره يهتني في بناها..
ياما أفرحت قوم وأحزنت قوم.. وكم أعشقت عين وخانت غلاها..
ياصاحبي شفت أمس شف حالنا اليوم.. دنيا تقلب يكفي الله بلاها..
اليوم لامنه بغت عيني النوم.. تنكدت روحي وعافت كراها..
ماكل من علا بالأصوات مفهوم.. وماكل روح تلتقي في مناها..
وماكل من يشكي معذب ومحروم.. وماكل من يضحك همومه نساها..
بحرالحياه إن صرت ماتعـرف العوم.. يرميك في غبه بعيده مداها..
.. يموت حي من راح يستسلم لــــــ أحزان وهموم
وحاجته ماقضاها..
واجه هبوب الوقت بإيمان وعزوم.. لابد ربك يهدي هواها..
وأصبر إذا شمسك حجب نورها غيوم.. الغيم بيتفرق ويشرق سناها...

2 التعليقات:

غير معرف يقول...

مدونة رائعة ماشاءالله

غير معرف يقول...

السلام عليكم ورحمة الله وبركاته

هذا حال الدنيا ما يدوم لأحد لكن نحمدالله على كل حال ..,

إرسال تعليق

بسم الله الرحمن الرحيم..}

كم يسعدني ويبهجني
تذوقكم للحلوى وتلذذكم بطعمها
ارحب بوصفاتكم والمزيد من المقادير ^^

 
Template designed By Hannunie | all rights reserved